| பாடலாசிரியர் | பாடகர்கள் | இசையமைப்பாளர் | ஆல்பம் |
| வைரமுத்து | பி. சுசீலா, கே.எஸ். சித்ரா & ஹரினி | என்.ஆர்.ரகுணந்தன் | ஆல்பம் |
Thalaattu – Naatpadu Theral – 08 Song Lyrics in Tamil
பெண் : ஆராரோ ஆரிரோ ஆணழகே ஆரிரோ…
ஆராரோ ஆரிரோ ஆணழகே ஆரிரோ…
—BGM—
பெண் : ஆராரோ ஆரிரோ ஆணழகே ஆரிரோ…
ஆராரோ ஆரிரோ ஆணழகே ஆரிரோ…
—BGM—
பெண் : வண்ணவண்ணக் கோமளமே…
வலதுகை மாம்பழமே…
இனம்பெருத்த வம்சத்தில்…
சனம்பெருத்த குடும்பத்தில்…
ஆறாம் திருமகனாய்…
ஆளவந்த சோழமன்னா…
பெண் : ஆராரோ ஆரிரோ ஆணழகே ஆரிரோ…
பெண் : புள்ளிமான் கோம்பையில…
புலிவந்து போகுதின்னு…
பொன்வேல் கைவாங்கி…
புலியெறிய வந்தவனே…
பெண் : சித்தெறும்பு கடிச்சாலும்…
சித்தப்பா வருவாக…
தாங்கித் தோள்மாத்த…
தாய்மாமன் வருவாக…
பெண் : ஆராரோ ஆரிரோ ஆணழகே ஆரிரோ…
பெண் : தாத்தாமார் தூக்கிவச்சா…
தாடிமுடி குத்துமின்னு…
அள்ளி அள்ளி மார்பணைக்க…
ஐத்தமார் வருவாக…
பெண் : பாட்டுப் பலபடிச்சு…
பால்சோறு ஊட்டிவிடும்…
கூட்டுக் குடும்பமடா…
குலவிளக்கே கண்ணுறங்கு…
குலவிளக்கே கண்ணுறங்கு…
பெண் : ஆராரோ ஆரிரோ ஆணழகே ஆரிரோ…
ஆராரோ ஆரிரோ ஆணழகே ஆரிரோ…
—BGM—
பெண் : சின்னஞ்சிறு பிறையே…
சிவப்புக்கல் ரத்தினமே…
எண்ணக் களஞ்சியமே…
ஏலம்பூ வாசகமே…
—BGM—
பெண் : அப்பன் வெளியூரு…
ஆத்தா தனியாளு…
கூட்டுக் குடும்பம் இப்போ…
குடைசாஞ்சு போனதடா…
பெண் : தாய்மாமன் பொழப்புக்கு…
தாராவி போயிட்டாக…
சித்தப்பா எல்லாரும்…
சீமையில இருக்காக…
—BGM—
பெண் : உம்போலச் செல்வந்தன்…
உலகத்தில் கண்டதில்ல…
எம்போல ஏழையை நீ…
எங்காச்சும் கண்டதுண்டா…
பெண் : எச்சிப்பால் தீந்ததடா…
இருந்தவரை ஊட்டிவிட்டேன்…
மிச்சப்பால் ஊறும்வரை…
மின்மினியே கண்ணுறங்கு…
மின்மினியே கண்ணுறங்கு…
—BGM—
பெண் : மாணிக்க மாமணியே…
மார்க்கண்டன் புத்திரனே…
சோறூட்டச் சொந்தமில்ல…
தொட்டிலிட பந்தமில்ல…
நாதியத்த குடும்பத்தில்…
நாயகமா வந்தவனே…
—BGM—
பெண் : ஆத்தா ஒரு மூலையில…
அப்பன் ஒரு மூலையில…
காத்தாப் பறக்குறாக…
கவர்மெண்ட்டு வேலையில…
பெண் : வீடியோ பார்த்தபடி…
வேலைக்காரி தூளியாட்ட…
ஆடியோ கேட்டபடி…
ஆதவனே கண்ணுறங்கு…
—BGM—
பெண் : ஒத்தையில பொறந்தவனே…
உனக்காரும் துணையில்ல…
வித்தையெல்லாம் கத்துக்கிட்டு…
வெளிநாடு போமகனே…
பெண் : லண்டன் திருமகளோ…
லாஸ்ஏஞ்சல்ஸ் மருமகளோ…
பெத்ததாய் தகப்பனுக்கு…
பத்திரிகை கொடுமகனே…
பத்திரிகை கொடுமகனே…
—BGM—
Notes : Thalaattu – Naatpadu Theral – 08 Song Lyrics in Tamil. This Song from Album (2021). Song Lyrics penned by Vairamuthu. தாலாட்டு – நாட்படு தேறல் – 08 பாடல் வரிகள்.
