| பாடலாசிரியர் | பாடகர்(கள்) | இசையமைப்பாளர் | திரைப்படம் |
| கார்த்திக் நேதா | பிரதீப் குமார் | கோவிந்த் வசந்தா | ஜானு |
Journey Song Lyrics in Tamil
—BGM—
ஆண் : நான் என்பது யாரோ பெருந்திரளினிலே ஏடே…
நான் என்பதை வீசி எழுந்தேனே மனமே…
தான் என்பது போகும் பெருங்கணத்தினிலே கூவி…
வாவென்றொரு வாழ்க்கை சிறுகுரலாய் அருளாய்ப் பேச…
ஆண் : போகாதொரு ஆழம்தேடி…
நீந்தி நீந்தி மூழ்கிப் போவேன்…
வாழாதொரு வாழ்வைத் தீண்டி…
தெளி தெளி தெளி தெளி தெளிவில் பூப்பேன்…
ஆண் : காணாதொரு வெளிச்சத்தில்…
எனை நானே அட முழுதாய்ப் பார்ப்பேன்…
வீழாதொரு நிலையினிலே…
அடப் பித்தேறிச் சத்தேறிச் சித்தேறி மிதப்பேன்…
ஆண் : ஆழ் என்பது மெய்ஞான போதம்…
இப்போதில் இப்போதில் இப்போதில் எல்லாமும்…
போல் என்பது பகட்டு வாதமே…
இப்போதில் இப்போதில் இப்போதில் எல்லாமும்…
ஆண் : நாள் என்பதும் பொய்யான காலம்…
இப்போதில் இப்போதில் இப்போதில் எல்லாமும்…
கேள் என்குதே தெளிந்த ஞானமே…
கேட்க கேட்க ஓசை மீறிக் கேட்கிறதே…
—BGM—
ஆண் : ஆறறிவென்றே அலட்டாமல் எளிதாய் நானும்…
ஓர்உயிர் என்றே இருப்பேனே…
குழம்பாமல் யார் உடைத்தாலும்…
சிரிக்கின்ற பொம்மைப் போலே…
நான் என் இயல்பில் இருப்பேன்…
ஆண் : ஓடும் நதியின் மேலே…
உட்காரும் தட்டான் போலே…
லேசாக அமர்ந்தே பறப்பேனே…
ஆண் : புவிமேலே தாய் தூங்கும் அழகைப் பார்த்து…
தான் தூங்கும் மழலைப் போலே…
பேரன்பைப் போலி செய்வேனே நிறுத்தாமல்…
ஆண் : பேரெல்லையில் உட்கார்ந்து பார்த்தேன்…
இப்போது இப்போது இப்போது கண்ணாக…
பேருண்மையில் கலந்துபோகிறேன்…
இப்போது இப்போது இப்போது ஒன்றாக…
ஆண் : பேரன்பிலே தள்ளாடிப் பூத்தேன்…
இப்போது இப்போது இப்போது நன்றாக…
பேராற்றலில் கரைந்துபோகிறேன்…
பூத பேத வாத மோகம் மறைகிறதே…
—BGM—
ஆண் : நான் எனக்குள்ளே அசைந்தேனே ஊஞ்சல் போலே…
யார் எனை அசைத்தே ரசித்தாரோ…
சலிக்காமல் பேரலை மேலே விளையாடும் காகம் போலே…
யார் எனைத் துணிவாய்ப் படைத்தார்…
ஆண் : சீறும் புலியைப் பார்த்தே…
சிரிக்கின்ற சிசுவைப் போலே…
கோபங்கள் மறந்தே சிரிப்பேனே…
ஆண் : பதறாமல் பூவிழும் குளத்தின் மேலே…
உருவாகும் வளையல் போலே…
நான் வாழ்ந்த அதிர்வைக் கொடுப்பேனே கதறாமல்…
குழு : வாகாய் வாகாய் வாழ்கிறேன்…
பாகாய்ப் பாகாய் ஆகிறேன்…
தோதாய்த் தோதாய்ப் போகிறேன்…
தூதாய்த் தூதாய் ஆகிறேன்…
—BGM—
ஆண் : போதாய்ப் போதாய்ப் பூக்கிறேன்…
காதாய்க் காதாய்க் கேட்கிறேன்…
குழு : ஆரோ ஆராரிரிரோ…
ஆண் : தாலாட்டும் காலம் தலையாட்டும் ஞானம்…
குழு : ஆரோ ஆராரிரிரோ…
ஆண் : தாய்ப்போல் பாடுதே…
குழு : ஆரோ ஆரோ ஆராரிரிரோ…
ஆண் : ஆரோ…
Notes : Journey Song Lyrics in Tamil. This Song from Jaanu (2020). Song Lyrics penned by Karthik Netha. ஜெர்னி பாடல் வரிகள்.
